I Dece Cumandamenti di u Corsu

Per fatti tene e per fatti fà piazza,
Mai un ti vergugnà di a to razza.

In ogni circustanza e in sempiterna
Un ti scurdà di a to' lingua materna.
Se tu sì fora e i to' vecchj vivi
Veni a vedeli spessu e spessu scrivi.

Appena assicuratu lu to' pane
Volta a u to' paese u lindumane.

E se tu trovi u focone spentu
Accendilu dinò dopu avè pientu.

Subitu juntu, dopu qualchi ghjornu
Acconcia la to' casa e u to' fornu.

Inseta e poni l'olivi e i castagni
Ch'un sò mai stati gattivi cumpagni.

Ripianta la to' vigna e se tu poi
Compra una fera e un paghju di boi.

Teni pronti li ferri e u cunceghju
Pensendu ch'ellu pò vene u peghju.

Peppu FIORI